In Augusto io participava al conferentia international de interlingua, in Kirchheimbolanden, Germania. Un die, nos visitava le citate de Mainz.
Sunday 25 October 2009
Friday 21 August 2009
Solitude in Suomenlinna
Suomenlinna es un insula proxime a Helsinki, sur le qual esseva construite un fortalessa militar.
Nunc le insula es un destination turistic pro multe estranieros, e loco de relaxamento pro le population local.
Friday 10 July 2009
Campiones in Kamppi
Circa un septimana retro io observava (ben, de facto il esseva impossibile non observar lo!) que le placia de Kamppi habeva essite transformate in un campo de football: un belle area rectangular de herba artificial lo coperiva.
E ante heri, passante proxime al placia, vostre acute observator ancora observava que il habeva un joco de football in curso: duo equipas de infantes se confrontava in un appassionatissime duello. Tanto emotionante, que io lo reguardava pro un minuta, justo le tempore pro prender le photo de un goal, e me promenava via.
Le expression del infantes demonstra quanto importante le match esseva pro illes. :-)
Sunday 5 July 2009
Opiniones
Circa duo septimanas retro Union del Humanistas e le Union del Pensatores Libere finlandese applicava lor propaganda atheista (o agnostic) sur le autobuses de Helsinki, sequente le exemplo de simile organisationes in altere citates. Io ha perdite le occasion de photographar iste autobuses (le propaganda ha justo finite), ma vos pote leger un nova correlate in le sito del principal television finlandese, YLE.
Le texto, que esseva scribite in finlandese, diceva “Deo forsan non existe. Ora cessa de preoccupar te e gaude del vita.”.
Heri io videva un replica sympathic, scribite a grande characteres sur un boteca de libros christian: “De facto, Deo existe. Simplemente demanda al autista.”.
Football in le placia
Le area in fronte de Kamppi ha essite transformate in un campo de football. Le grande palla que on vide es (obviemente) cave e internamente hospita un tribuna.
Io non sape qual evento es in programma; si alicuno ha informationes, scribe un commento!
Thursday 2 July 2009
Monday 29 June 2009
Friday 26 June 2009
Thursday 25 June 2009
Thursday 18 June 2009
Reclaim the streets
Io incontrava iste signo quando io retornava a casa in le postmeridie de sabbato. Retro al signo, il habeva multe juvenes, alicunes sedeva sur le strata e habeva un sorta de pic-nic, alteres dansava al musica producite per potente apparatos phonic. Io non sapeva que esseva iste evento, ma illo pareva ben organisate.
Retornate a casa, io cercava informationes super iste evento in le internet, e trovava un explication in wikipedia. Le idea me place.
Wednesday 17 June 2009
Helsinki Samba Carnaval
Un del multissime photos que io prendeva in occasion del Helsinki Samba Carnaval.